Mee Udang Jakar

Enti sema kita ngetu ba Jakar, tau kita nguji makai mee udang ba Peking Restaurant... Sema kita meda pintu depan tutup, anang tusah ati... tau ngena pintu belakang... Kadang-kadang sida nutup pintu depan laban restaurant sida bisi orang nempah.. Restaurant sida tu ba atas kedai... Kita tau tama ari pintu belakang tauka tisi alu madah ke diri ka makai mee udang.

Bebela Maia Bisi Pengawa

Rami kami duai LTL digaga laun mimit laban ke jauh ari pangan diri. Kami duai sama setuju rami maia kemisi sekula ujung taun laban maia nya nadai agi sukan serta kemisi sekula ti panjai, senang bala ka datai... Taja ukai Pengantin Baru agi (hahahaha) tang kami duai enggai ga ngudah ke pengawa bakanya aja. Tambah agi LTL siku aja anak laki, bala madi bedau belaki magang. Aku pia mega, keterubah ia ba kami sebilik...

Ba sepiak sida ia, kami duai ngena adat Cina Foochow laban ini ke ngada ke indai aku sigi Foochow serta entua indu aku pen bisi darah Foochow mega. Ba sepiak aku, kami mina ngerami aja laban semua adat udah dipejalai ba rumah panjai sebedau kami duai register nikah ujung taun 2009 nyin suba...

Rami Cina sigi enda sebaka enggau rami kitai Iban. Enti kitai, nadai tentu irau ke bala ti enggau bebela ba dapur, sigi sekayu rumah, semua kaban datai nulung bebela. Ba sida sepiak apai tuai aku, sida semina bebela ke orang pagi nya aja.... Bisi lauk sigi dibeli terus ari kedai. Udah nya bala ke datai, makai mee sua, mee panjai umur. Malam nya kami makai ba restaurant... Senang, enda tentu penat iga... Penat bejalai agai 40 mija aja... Aku ngena flat sandal aja... hahahaha...

Rami ba Sg Paoh, sebulan sebedau rami nyadi, bala ibu udah gotong royong begaga ke ruti cuan enggau sarang semut. Bala aya begiga ke kayu kena nunu... Dua ari sebedau rami bala udah berengkah besedia ke barang. LTL nyau udah teleba meda, nadai mayuh utai ditanya agi. Maia kami duai betunang suba, mayuh amat utai ditanya ia ngagai aku... meda orang mayuh datai ke rumah, nulung berapi.

Rindu ati meda bala kaban datai nulung. Maia tu meh semua bala kaban ulih betemu enggau pangan diri. Ke semak, ke jauh, mayuh macam cerita sida ia.

Arap ke pengawa kitai Iban ke agi besaup bebela bakatu ulih diterus ke kitai... Diatu mayuh amat bala rebak baru enda rindu berami ba rumah panjai laban enggai mayuh pengawa serta enda tentu glamer munyi ko urang. Aku kala ditanya kaban aku siku, nama kebuah aku enda ngaga ba hotel laban mayuh kaban aku ke 'gila glamer' enda ulih datai ke rumah panjai. Aku madah, sigi ari suba aku ka ngaga ba rumah panjai, nadai double standard. Bisi sekeda ngaga ba dua endur hotel enggau rumah panjai. Bala ke gawa makai gaji dikangau ke hotel, bala sida ke nadai tentu meruan bisi pengawa dikangau ke rumah panjai... Enda semua au... Nadai salah enti ngaga ba dua endur nti bisi $$$$ lebih. Aku nadai mayuh.... cukup ba siti endur aja. Hehehehe....

Spagetti Ngot

Jarang aku tetemu ke spagetti ngot laban biasa spagetti ba kedai sigi halal. Tang maia aku ke Johor taun nyin kemari, aku tetemu ke siti kedai bisi ngaga spagetti ngot...

Hmm... nyamai... 4 bintang rate ia....

Kami duai LTL selalu angan-angan ka ngaga kedai makai nyual ngot pansuh... hahahahah.... Anang ke ka bejual, mansuh kediri empu pen nadai ari... Tambah agi diatu, semadi amat aku berapi... Enti nadai orang ba rumah, enda aku berapi... Semput!!!

Lama enda makai spagetti... Suba ba Kuching enti tetenguk, manduk kediri. Beli ja barang ba Choice Daily Tabuan...

Ngirup ai nyur ba Taman Selera

Lemai kemari kami duai LTL bejalai-jalai ngagai area Bakam kin... Meda projek rumah ke digaga orang, cuci mata... Nya kami duai madah, nti tsunami, sigi abis endur nya tenggelam. Maia aku sekula ba SMS Miri kelia, 1990an, sigi besai magang kayu dia suba, nadai nemu tau nyadi kawasan perumahan diatu. Ia ga buding (asrama) ke endur aku diau nya tisi babas... geli meda pun kayu bebesai... Baka bisi utai ba atas din... induuuuiiiii... hehehe... Jarang kami ka ngena jalai pintas enti pulai prep malam... sanggup ngelaung nengah kantin... Jalai pintas mansa bengkel KH ti sunyi, dah nya mansa tangki ai besai... ish....


Lengka ke dulu cerita nya tadi.... Pulai ngagai topik asal. Hehehehehe.... Udah kami duai cuci mata meda rumah orang ba Bakam din, kami duai ngetu ba Taman Selera. Ko jaku ka meda sunset. Udah nya tepeda ke orang ngirup ai nyur, aku mai ia meli. Lama udah nda ngirup ai nyur... Duduk kami duai ko jaku ka ngirup aja...alu jung ke makai lemai... Lauk ba rumah nadai orang makai... Hehehehehe.......

Nama utai mesti diorder enti agai Taman Selera? Aku pen enda tentu nemu iga laban menu aku betukar-tukar tang ketam, butter prawn enggau kerang nya mesti bisi siti. Suba maia agi ulih makai dagin mayuh, sigi mesan sate.... Ai, aku sigi mesan ai nyur laban ba endur bukai jarang bisi nyual ai nyur. Enti enda, kami selalu mesan ai tiga rasa... Betul nda ka nama ai nya??? Hahaha.... Nya asai ku. Laban aku selalu madah agai LTL aku ka ngirup ai ke bisi barli, agar-agar, warna coklet... nemu ia utai ko aku. Dah nya jaku Cino ngau orang ke ngambi order... Sayap manuk guring dia pen nyamai... tau nguji... Suba bisi petunggal LTL bejual dia... Selalu kami telefon dulu. Datai ba kedai, angkat ta makai aja... Tang diatu nadai agi petunggal ia dia, nya kami nyau betukar-tukar kedai makai. Tambah agi ke nyamai udah angus kedai sida ia...

Tepantup meh ati ngirup ai nyur kemari..... Mupuk dulu aku... Pagi tadi makai ba 2020 baru... Mee kering ga tang enda ingat ngambi gambar laban kelalu lapar... :)

Makai ba 2020

Enti kita ke Miri anang enda ingat ngagai kedai 2020 ba Krokop.... Nama special dia??? Aku enti kia sigi 'ngoder' dim sum enggau mee kering. Bisi ga pemakai bukai tang aku jarang nguji.... hehehehehe.... Ai ti nyamai dia ai tebu enggau soya bean....

Agi Ingat Ke Aku?

Nama berita kita? Agi ingat ke aku? Lama amat nadai nulis ba blog. Suba aku nulis ba blog Pengajar tang udah nya blog nya di'frozen' aku dulu. Diatu kita tau meda baru blog aku nya. Enda nyangka aku berengkah nulis blog nya ari taun 2005. Ari blog nya meh aku ngelala Puteri serta bala bukai.

Bendar aku berunding siti ni blog ka diaktif ke aku baru? Dua iti blog tu sama nusui pengidup aku... Sayau enti dibuai siti. Nya kabuah, aku mutus ka udah tu, semua utai ke bekait enggau pengidup aku nyadi pengajar, ditulis aku ba blog Pengajar. Semua utai ke bekait enggau pemakai, ditulis aku ba Kemiding tu... Engka minggu baru kini aku mupuk nulis ngambi ke kita tetap seruran ingat ke aku....