Makai ba 2020

Enti kita ke Miri anang enda ingat ngagai kedai 2020 ba Krokop.... Nama special dia??? Aku enti kia sigi 'ngoder' dim sum enggau mee kering. Bisi ga pemakai bukai tang aku jarang nguji.... hehehehehe.... Ai ti nyamai dia ai tebu enggau soya bean....

Agi Ingat Ke Aku?

Nama berita kita? Agi ingat ke aku? Lama amat nadai nulis ba blog. Suba aku nulis ba blog Pengajar tang udah nya blog nya di'frozen' aku dulu. Diatu kita tau meda baru blog aku nya. Enda nyangka aku berengkah nulis blog nya ari taun 2005. Ari blog nya meh aku ngelala Puteri serta bala bukai.

Bendar aku berunding siti ni blog ka diaktif ke aku baru? Dua iti blog tu sama nusui pengidup aku... Sayau enti dibuai siti. Nya kabuah, aku mutus ka udah tu, semua utai ke bekait enggau pengidup aku nyadi pengajar, ditulis aku ba blog Pengajar. Semua utai ke bekait enggau pemakai, ditulis aku ba Kemiding tu... Engka minggu baru kini aku mupuk nulis ngambi ke kita tetap seruran ingat ke aku....

Marina Undau Ukai Bumiputera??

Sinu aku maca berita pasal nembiak Iban penakan Cina ti enda ulih nyambung pelajar ia ngagai matrikulasi laban ukai bumiputera. Nama runding kita?

Kemisi Sekula

Nama berita kita? Lama amai aku udah nadai nulis ditu laban ke kelalu busy enggau pengawa sekula enggau pengawa diri empu. Tambah mega diatu ati muka facebook beari-ari nyau enda ingat ka muka blog.

Bisi aku meda bala sida ke 'hot-hot' ngaga bloggers meet ba Kuching. Aku ngarap ke diri enda nyadai nurun ke Sibu tang last minute boss call madah nyadi. Enti enda ulih aku enggau sida ia... Jealous aku... hhmmmm

Kemisi dah start... nasib ga semua nembiak diasuh pulai. Tambah agi nadai event udah kemisi ila. Enti enda sigi training meh kami seminggu-minggu tu ila... Mua aku nyau tumbuh semua udah bekau balat amat bejembui maya kursus ba Sarikei nyin suba. Tusah ati aku meda semua nyau majak tumbuh.

Dini bala kita kemisi tu? Aku bejegau dulu udah nya baru ke Sarikei...

Selamat kemisi ngagai bala sigu-sigu enggau nembiak. Sida ke PTK nya belajar bebendar kemisi tu.. Aku dah bulih 4 pun taun tu tadi... senang amai ati. Pama meh bisi niki mimit gaji taun baru. Taun tu merinsa mimit, nadai tentu ulih shopping baka Chris iga laban udah bebayar ke loan rumah. Enti bisi orang enggau besaup nadai hal. Hehehe.... Mupuk aku.

Ujan Di Samarahan

Berapa minggu udah aku nadai meda ujan... sekali ujan tadi maia aku ke sekula.. sakai bala kami meda leka ujan.. hahaha... sooot...

Lemai tu naka pengangat dalam rumah...Bendar aku bekemas ke rumah laban baru datai ari Sibu lemai tu tadi. Fred pen nadai di rumah. Dalam sebulan tu sigi jarang kami duai meda mua pangan diri. Siku kulu, siku kili...

Diatu benung ujan lebat di Samarahan engka bekau proses pembenihan awan ba Kuching lemai tu tadi kini. Kasih amai aku meda bala sida sayur enggau bungai ke di tinggal belama-lama sekumbang ke selalu bejegau..

Enda sabar nganti lemai pagila....

Nadai Moto

Tusah amai aku diatu nadai moto kena bejalai. Seninjik bisi meh orang ti manah ati nginjau moto sida ia sebilik agai aku.... Bisi meh kena aku nurun gawa tang aku enda berani mai ke pasar laban agi bedau teleba. Aku sigi enda tentu ka mai moto orang selain ari moto diri empu laban nemu diri ke selalu careless...

Tang utai ti nyadi enggau moto aku ukai careless ari aku... Baru aja aku pansut ari parking, aku ninga utai inggar.

" Adeh... ngelantak divider baru....eeee!!!!"

Aku lalu drive jak. Sekali aku malik agai endur nya tadi siku laki pansut ari van ia lalu nunjuk ngagai aku.

Aku lalu nikal... baru sedar ke diri kena lantak orang ke reverse ari parking space.... ngumbai diri ngelantak divider (habit)


Pandangan tepi


Pandangan depan

Diatu moto agi ba workshop... Alang-alang aku tukar kulit ia sekali... Ila post baru

Pengingat Ngagai Daniel Law

1 Mei 2009 - 7 malam

Handphone aku bemunyi maia kami sebilik ka makai malam. Peda aku Daniel telefon lalu kami duai berandau manah.

Daniel : Grace, dini d diatu?
Aku : Ba Kuching
Daniel : Nama gaga dia? Cuti ka?
Aku : Aku udah transfer ngagai Kuching
Daniel : Ai.. nama enda madah? Lama udah ka? Patut d enda agai SSMC agi.
Aku : Bulan satu sari nya. Aku transfer mengejut. Nama hal deh?
Daniel : Nadai, ka betemu enggau d. Lama enda betemu, lelengau ke d. Ka mai d bejalai ba Sibu
Aku : Pia. Eh... ari satu tu ila (4 Mei) aku ke Sarikei. Datai meh. Aku diau ba pasar aja.
Daniel : Amat d? Au meh. Minggu baru aku datai enti bisi off. Ingat aa...
Aku : Auk...
Daniel : Enda nganu apai tuai d?
Aku : Enda. Datai aja... Ila tua cerita mayuh agi.
Daniel : Ok..bye.. see u..
Aku : Bye Daniel.

Indai : Sapa nya?
Aku : Daniel ke gawa ba SSMC
Indai : Lama amai seduai nadai contact sampai ia enda nemu d udah pindah.
Aku : Kala kami contact tang aku enda madah aku pindah. Sms tauka email aja.

Dalam ati aku berunding nama kebuah Daniel tiba-tiba nemu telefon agai aku. Selalu ia semina sms tauka email aja nanya ke rita tau ka meri selamat tahun baru, selamat Krismas... etc.... Nama mimpi ia nyau lelengau ke aku...

4 Mei 2009 kira-kira jam 12 tengah ari

SMS ari Nurmah
"Grace, mun ko belum tauk agik, kawan kita Daniel Law dah ninggal marek accident di Bintulu"

Aku reply
"Benarkah?"

Bedau sempat Nurmah reply aku terus call agai ia... Tudah tuai pen enda tentu nemu rita. Ia semina madah bala sida Qamar madah agai ia. Orang ti paling nemu pasal nya Fabian. Aku enda puas ati lalu minta lumur hp Fabian ari Pudun.

Aku : Fabian, Grace tu. Amat ka cerita ke didinga aku tu?
Fabian : Amat, aku ba spital meh tu. Aku empu meda. Diatu benung nganti apai indai ia datai.

Enda berasai ai mata aku labuh. Patut meh tudah tuai telefon ngagai aku dua ari sebedau ia bebadi... Patut meh aku ngasai lain maia ia telefon madah ke diri lelengau serta ka betemu enggau aku. Baka ke nemu diri enda betemu enggau aku agi.

Kami duai Daniel sigi ngelala pangan diri ari kami duai belajar ba matrikulasi suba. Udah nya ia nyambung ba bidang nursing. Terubah aku betemu enggau ia baru ba Hospital Sibu. Maia nya aki aku sakit, ia gawa nyadi nurse lelaki ba spital nya. Taun 2007 aku sakit lalu berubat ba SSMC. Ia ti bendar amat ngibun aku maia aku sakit laban tudah tuai on duty maia aku admitted dia sari. Berengkah ari nya aku selalu contact ia enti aku bisi appointment ba SSMC tau ka nganjung kami sebilik kia. Bala sida indai aku pen nyau ngelala ia laban tudah tuai sigi nemu berandau enggau orang. Soft spoken munyi ko orang.

Maia aku maca sms dikirum Fabian, aku nyabak baru ngenang pemanah Daniel ngagai kami ngelama tu.

"Udah ditama agai sentubung Daniel. Sinu amai ati aku meda. Ukai ia kala nganu orang"



Pemanah nuan tetap di ingat ke kami belama.... Aku lelengau ke nuan mega.