Pengingat Ngagai Daniel Law

1 Mei 2009 - 7 malam

Handphone aku bemunyi maia kami sebilik ka makai malam. Peda aku Daniel telefon lalu kami duai berandau manah.

Daniel : Grace, dini d diatu?
Aku : Ba Kuching
Daniel : Nama gaga dia? Cuti ka?
Aku : Aku udah transfer ngagai Kuching
Daniel : Ai.. nama enda madah? Lama udah ka? Patut d enda agai SSMC agi.
Aku : Bulan satu sari nya. Aku transfer mengejut. Nama hal deh?
Daniel : Nadai, ka betemu enggau d. Lama enda betemu, lelengau ke d. Ka mai d bejalai ba Sibu
Aku : Pia. Eh... ari satu tu ila (4 Mei) aku ke Sarikei. Datai meh. Aku diau ba pasar aja.
Daniel : Amat d? Au meh. Minggu baru aku datai enti bisi off. Ingat aa...
Aku : Auk...
Daniel : Enda nganu apai tuai d?
Aku : Enda. Datai aja... Ila tua cerita mayuh agi.
Daniel : Ok..bye.. see u..
Aku : Bye Daniel.

Indai : Sapa nya?
Aku : Daniel ke gawa ba SSMC
Indai : Lama amai seduai nadai contact sampai ia enda nemu d udah pindah.
Aku : Kala kami contact tang aku enda madah aku pindah. Sms tauka email aja.

Dalam ati aku berunding nama kebuah Daniel tiba-tiba nemu telefon agai aku. Selalu ia semina sms tauka email aja nanya ke rita tau ka meri selamat tahun baru, selamat Krismas... etc.... Nama mimpi ia nyau lelengau ke aku...

4 Mei 2009 kira-kira jam 12 tengah ari

SMS ari Nurmah
"Grace, mun ko belum tauk agik, kawan kita Daniel Law dah ninggal marek accident di Bintulu"

Aku reply
"Benarkah?"

Bedau sempat Nurmah reply aku terus call agai ia... Tudah tuai pen enda tentu nemu rita. Ia semina madah bala sida Qamar madah agai ia. Orang ti paling nemu pasal nya Fabian. Aku enda puas ati lalu minta lumur hp Fabian ari Pudun.

Aku : Fabian, Grace tu. Amat ka cerita ke didinga aku tu?
Fabian : Amat, aku ba spital meh tu. Aku empu meda. Diatu benung nganti apai indai ia datai.

Enda berasai ai mata aku labuh. Patut meh tudah tuai telefon ngagai aku dua ari sebedau ia bebadi... Patut meh aku ngasai lain maia ia telefon madah ke diri lelengau serta ka betemu enggau aku. Baka ke nemu diri enda betemu enggau aku agi.

Kami duai Daniel sigi ngelala pangan diri ari kami duai belajar ba matrikulasi suba. Udah nya ia nyambung ba bidang nursing. Terubah aku betemu enggau ia baru ba Hospital Sibu. Maia nya aki aku sakit, ia gawa nyadi nurse lelaki ba spital nya. Taun 2007 aku sakit lalu berubat ba SSMC. Ia ti bendar amat ngibun aku maia aku sakit laban tudah tuai on duty maia aku admitted dia sari. Berengkah ari nya aku selalu contact ia enti aku bisi appointment ba SSMC tau ka nganjung kami sebilik kia. Bala sida indai aku pen nyau ngelala ia laban tudah tuai sigi nemu berandau enggau orang. Soft spoken munyi ko orang.

Maia aku maca sms dikirum Fabian, aku nyabak baru ngenang pemanah Daniel ngagai kami ngelama tu.

"Udah ditama agai sentubung Daniel. Sinu amai ati aku meda. Ukai ia kala nganu orang"



Pemanah nuan tetap di ingat ke kami belama.... Aku lelengau ke nuan mega.

Kasut Baru

Kasut aku carik... ish..nesal ati enda meli maya LEA Centre ngaga offer sari nya. Berapa kali aku ngagai LEA Centre ba Hopoh, Sarawak Plaza enggau Riverside mai nembiak tang aku empu enda meli laban maya nya 3 iti kasut aku agi manah. Tang diatu dua udah carik... siti aja ti ulih dikena.

E.... ish... Dah la ekonomi agak merosot bulan tu. Baru aja aku masang gutter ngelingi rumah.

Sari nya bala ngagai Sematan Resort. Nadai gambar laban kelalu busy karoke enggau betanda ngulu ke bala nembiak.

Minggu tu aku free mimit. Meda tv aja kerja berari-ari... hehehe...

Nyau Leju Makai Manuk

Sekumbang ke udah diau ba Kuching semina sekali aja aku udah makai pama enggau kasam ngut. Baka minggu ti udah seminggu-minggu aku makai manuk. Meda manuk pen nyau ka mutah. Tenguk mai ka makai kasam-kasam.... eee..... udah la tadi meda bubuk sida andan...

Dua minggu agi pulai ke Sarikei. Ngasoh sida apai aku meli ngut babas dulu... Dah nya bala sida ikan sungai.

Mupuk dulu aku....

Nyau majak celum

Lama amai ruai petang laban ke nyukung EARTH HOUR. Baru sari tu bisi ari mimit laban ke ari minggu. Laun dani pagi tadi meda jam orang nyau udah ka abis semayang (escape ku sari tu)

Lemai ari enam moto aku nyau ka tama ke parit laban lalang ke tinggi amai nyau ngelindung parit (alasan ko bala kawan aku). Moto aku udah berapa minggu nadai dibasu ketegal ari ujan belama-lama. Maia ari enda ujan aku busy...keh3 (alasan)

Bala mayau dikurung aku dalam bilik sari tu laban anak jiran sepiak selalu rauh-rauh munyi tu "cat, jangan le masuk rumah kite... nanti awak makan ikan kite habis... tu rumah awak" Aku buat bodo jak. Ukai mayau aku aja ke lepas agai rumah sida, mayuh agi mayau bukai kia... Kadang-kadang ia ke ngangau ke mayau aku ari pagar laban mayau aku ke kiut. Udah bala tudah mayau ku mansang legi, "cat, jangan le masuk rumah kite... nanti awak makan ikan kite habis... tu rumah awak" Ku nupi uduk ja udah tu... hehehe...

Pindah

Nadai mayuh berita bukai mina ka madah ke diri udah pindah... Kini aku pindah? Uji abas ba Hornbill... hehehe

Endur ke baru tu enda baka endur lama. Aku agi blur ga ditu. Tambah mega bala kaban ke enda nemu aku udah pindah agi nanya ke jalai menua lama ti ampuh bah... Sengapa aja aku nyaut laban sigi nadai din agi. Sorry meh... kekekekeh...

Pejalai aku ari Skei kitu nyau ka enda datai da laban jalai ampuh bah. Asai ka nyabak meda pemesai ai ba jalai alun. Udah la aku kediri drive. Ila aku mantai ke gambar pejalai aku sari nya. Nasib ga Bubbles bisi enggau aku... merindang ati...

Naka nya dulu...

Mungkal Taun Baru 2009

Aku enda tedani ke diri pukul 12 dini ari tadi. Bela lelak kami sebilik nadai enggau orang ngintu taun baru. Aku kelebih agi nyau majak sakit... lapa deh... sakit ba taun baru.

Bala madi benung busy bbq ba belakang rumah, aku mina garing-garing ba ruang tamu. Ka madah fever nadai ga. Tang tubuh aku lemi serta pedis rekung. Enda ga pedis amat. Kemari bisi flu. Udah bekau ke makai ubat flu tengahari tadi nyau nadai agi flu aku tang enda nemu nama kebuah aku lembau amat ka angkat.

Baka taun ti udah aku sigi nadai azam baru....

Semina ka ngenang nama pengawa ke udah digaga sekumbang 2008...

****

****

****

****

****

****

****

****

****

Enda ingat agi... hahahaha...

Aduh... Nadai pengawa bukai

Tadi kawan aku siku bisi ngabas aku ke rumah. Lama enda betemu enggau ia. Udah mayuh cerita kami duai... nya ia madah siku aunty tu nanya nama kebuah aku lama enda ngagai *** ?(dirahsiakan) Udah nya mayuh agi cerita pasal aku disebut aunty nya ngagai kawan aku tu tadi.

Nya alai aku malas ka begulai enggau bala sida nya agi. Kelalu penyibuk. Suba agi aku sabar... taja aku nemu sida selalu berandau ke aku. Gari aku pen kala dirara sida sekali suba... Semua cerita aku ka ditemu sida.

Enda aku kisah ga tang ingin amai ati aku ka mantai agai sida gambar, ulah bala anak sida ke manah amat, ko jaku. Ka meda bakani sida nerima kenyataan...heh. Aku tu sigi jegit, nadai ngaga diri imun.