Shilin Night Market

Shilin Night Market tu ba Taipei. Kita ulih ngena train ari Taipei Main Station lalu ngetu ba Shilin Station... Bejalai dalam 5 minit kita ulih meda pasar malam ti mayuh amat pemakai tu... Sekeda ari gambar ti di ambi aku sari nya. Tauhu but (bau kasam) tu sigi enda ulih masuk nyawa aku tang peda kita Amber...

Pemakai ba Taiwan 1

Bulan 3 kami menyanak beririt-irit, beberap-berap ke Taipei. Hehehe... Ukai apai indai ke beberap tang anak...

Nembiak majak sut

Sinu ukai enda sinu maia aku ninga rita nembiak kitai ke nyayat anak ia ti baru ada... Kumbai aku ba menua bukai cerita tu tadi... Nemu ta ba menua kitai empu.....

Ukai nyamai kitai ngaya anak indu diatu. Tambah mega apai indai ti open minded kenu ko jaku.... Ditutup mata sepiak meda anak indu mai laki pulai ke rumah tauke pulai ke rumah laki...

Nama penyadi bala kita nembiak dudi ari diatu? Iga kita tu udu ngelaban jaku orang tuai, nadai nemu ngerunding ke pengidup diri... Majak ke penemu kita serta beidup ke nafsu... Naka penaka meh bala kita nembiak.... Sema kitai ngaga servay berapa iku sida ke dara ti agi virgin, ari 10 iku manah enti lebih 5....

Ukui agi nemu sayau ke anak..... Ukui!!!!

Kita ke nembiak, anang beguai begiga ke laki, begiga ke indu lebuh maia agi sekula... Enggai ke enda ampit ko kita ngelaban kami ke tuai... Berunding meh ke pengidup diri empu... Kumbai kita moden kita nya? Nya alai kitai lalu enda mansang....

Escapade Sushi

Lama udah kami ka ke Kuala Belait makai sushi tang laban aku agi enda ulih bejalai jauh, nya kami lalu enda kin. Ukai jauh Kuala Belait ari Miri semina ka ngena passport aja. Kemari kami tiga buah moto kin... aku enda kala tama agai Kuala Belait laban selalu agi agai Bandar Seri Bagawan. Tu meh ke terubah....

Kami book pukul 12 tengahari. Laban agi tumu, kami bejalai-jalai dulu ba supermarket... meli barang ke nadai di jual ba Miri. Entua indu aku laban ke hafal rega barang, ia nemu ni ke mudah, ni ke mar enti udah ditukar agai RM. Nya ia begiga ke barang ke kira mudah agi rega enti dibanding enggau ba Miri.

Udah pukul 12 nya kami terus ke Escapade Sushi... Mayuh amat di order sampai nda abis diempa.... Aku semadi meh nagang diri enggai makai kelalu mayuh.... heheheeh.... mupuk dulu

Mee Udang Jakar

Enti sema kita ngetu ba Jakar, tau kita nguji makai mee udang ba Peking Restaurant... Sema kita meda pintu depan tutup, anang tusah ati... tau ngena pintu belakang... Kadang-kadang sida nutup pintu depan laban restaurant sida bisi orang nempah.. Restaurant sida tu ba atas kedai... Kita tau tama ari pintu belakang tauka tisi alu madah ke diri ka makai mee udang.

Bebela Maia Bisi Pengawa

Rami kami duai LTL digaga laun mimit laban ke jauh ari pangan diri. Kami duai sama setuju rami maia kemisi sekula ujung taun laban maia nya nadai agi sukan serta kemisi sekula ti panjai, senang bala ka datai... Taja ukai Pengantin Baru agi (hahahaha) tang kami duai enggai ga ngudah ke pengawa bakanya aja. Tambah agi LTL siku aja anak laki, bala madi bedau belaki magang. Aku pia mega, keterubah ia ba kami sebilik...

Ba sepiak sida ia, kami duai ngena adat Cina Foochow laban ini ke ngada ke indai aku sigi Foochow serta entua indu aku pen bisi darah Foochow mega. Ba sepiak aku, kami mina ngerami aja laban semua adat udah dipejalai ba rumah panjai sebedau kami duai register nikah ujung taun 2009 nyin suba...

Rami Cina sigi enda sebaka enggau rami kitai Iban. Enti kitai, nadai tentu irau ke bala ti enggau bebela ba dapur, sigi sekayu rumah, semua kaban datai nulung bebela. Ba sida sepiak apai tuai aku, sida semina bebela ke orang pagi nya aja.... Bisi lauk sigi dibeli terus ari kedai. Udah nya bala ke datai, makai mee sua, mee panjai umur. Malam nya kami makai ba restaurant... Senang, enda tentu penat iga... Penat bejalai agai 40 mija aja... Aku ngena flat sandal aja... hahahaha...

Rami ba Sg Paoh, sebulan sebedau rami nyadi, bala ibu udah gotong royong begaga ke ruti cuan enggau sarang semut. Bala aya begiga ke kayu kena nunu... Dua ari sebedau rami bala udah berengkah besedia ke barang. LTL nyau udah teleba meda, nadai mayuh utai ditanya agi. Maia kami duai betunang suba, mayuh amat utai ditanya ia ngagai aku... meda orang mayuh datai ke rumah, nulung berapi.

Rindu ati meda bala kaban datai nulung. Maia tu meh semua bala kaban ulih betemu enggau pangan diri. Ke semak, ke jauh, mayuh macam cerita sida ia.

Arap ke pengawa kitai Iban ke agi besaup bebela bakatu ulih diterus ke kitai... Diatu mayuh amat bala rebak baru enda rindu berami ba rumah panjai laban enggai mayuh pengawa serta enda tentu glamer munyi ko urang. Aku kala ditanya kaban aku siku, nama kebuah aku enda ngaga ba hotel laban mayuh kaban aku ke 'gila glamer' enda ulih datai ke rumah panjai. Aku madah, sigi ari suba aku ka ngaga ba rumah panjai, nadai double standard. Bisi sekeda ngaga ba dua endur hotel enggau rumah panjai. Bala ke gawa makai gaji dikangau ke hotel, bala sida ke nadai tentu meruan bisi pengawa dikangau ke rumah panjai... Enda semua au... Nadai salah enti ngaga ba dua endur nti bisi $$$$ lebih. Aku nadai mayuh.... cukup ba siti endur aja. Hehehehe....

Spagetti Ngot

Jarang aku tetemu ke spagetti ngot laban biasa spagetti ba kedai sigi halal. Tang maia aku ke Johor taun nyin kemari, aku tetemu ke siti kedai bisi ngaga spagetti ngot...

Hmm... nyamai... 4 bintang rate ia....

Kami duai LTL selalu angan-angan ka ngaga kedai makai nyual ngot pansuh... hahahahah.... Anang ke ka bejual, mansuh kediri empu pen nadai ari... Tambah agi diatu, semadi amat aku berapi... Enti nadai orang ba rumah, enda aku berapi... Semput!!!

Lama enda makai spagetti... Suba ba Kuching enti tetenguk, manduk kediri. Beli ja barang ba Choice Daily Tabuan...