"Alai dik ngangkat ke mayau nya"
Aku lalu pansut ari moto ka ngangkat mayau nya ke tisi jalai...
"Ai... anak mayau tu, empat iku" .. ko aku lalu di bai aku ke tisi. Digiga aku indai sida ia nadai ga. Rumah orang pen nadai ti semak amat... Enda patut mayau tu lari.
Udah aku engkah ba tisi jalai, aku ka tama ke moto baru... sida ia lalu engkecit nitih ke aku.
"Bakani tu deh? " ko aku nanya kaban aku tadi tang jari udah nyengkau mayau tama agai moto ia... hahahah...
Datai ba rumah aku lalu begiga ke kutak endur engkah sida. Laban ke agi bedau teleba, lari meh sida tu tadi... kiau-kiau dipegai. Udah nya aku meri sida makai... enti kita kenyang, bisi orang ngempu kita tu, pagila anjung aku pulai baru, ko ati aku din.
Bendar amat sida empat makai... ia ga bulu nyau asai dawai...
"Bakani deh? Anjung nuan agai SPCA tu?" tanya kawan aku nya tadi.
Enda disaut aku. Agi berunding kenu ko...
Sida empat iku benung makai..kasih amai..
Pagi siti tumu aku dani meri sida makai. Udah bisi angat mimit ari lalu diberi aku mandi. Nyau coklet bilik mandi sida... Kira udah tengahari sida lalu nemu ka bemain enggau aku.
Dua ari udah nya kaban aku siku sms agai aku madah ia ka ngangkat dua iku anak mayau nya tadi. Senang mimit ga ati aku laban enti ngibun empat iku pedis amai ga. Enti aku sigi diau dia nadai ngawa. Aku tu lalu bedau temu penunga taun baru...
Pulai ke Sarikei ari dua tu kemari, aku mai dua iku... Terubah simpan dalam kutak. Udah nya digigit seduai ia kutak lalu pansut. Tang laban sigi udah diajar, seduai enda kemi enggau bira sebarang. Nyamai amat dijaga.
Datai di Sarikei, seduai lalu sakit. Dibai agai vet... nyau ga RM40. Ka meri vaccination, agi kelalu biak ko vet nya.
Gambar penudi sida empat begulai... sinu ngenang sida nyau beserara
Dua iku tu di bai aku.. ke bulu tiga diberi nama Sizuka. Ke oren Bubbles...
5 comments:
lawa mai mayau nya lain-lain colour bulu sida neh.sigi dibuai orang ba jalai alun mayau nyak pelaba aku. kati nuan pulai mansang ke sarikei-kuching driving kediri-diri kah? amai berani nuan. uji pindah aja nuan kitu neh nyamai agik
sigi ia mayau buai... kasih mai.
aku jarang ga kediri driving. bisi aja orang enggau tapi enti dah terpaksa, kediri ga aku. ka pindah meh tu.. besampi ke aku...
au..all the best. enti nuan mindah kitu bisi gak geng neh. pama gak nuan aku enda berani drive kediri kch-sarikei-kch..takut enti moto panchit tisi jalai segi enda ku nemu ngadu..hehhe
Kiut mattttttttttttt...akaiiiiii. Asai ka digigit. Heheheh.
Jen..nya meh... enti ditu mayuh amat geng. Aku kala enggau kursus nukar tayar moto sari nya... hahaha..
Flo... kasih anak mayau aku digigit nuan kooo...hehe
Post a Comment