Handphone aku bemunyi maia kami sebilik ka makai malam. Peda aku Daniel telefon lalu kami duai berandau manah.
Daniel : Grace, dini d diatu?
Aku : Ba Kuching
Daniel : Nama gaga dia? Cuti ka?
Aku : Aku udah transfer ngagai Kuching
Daniel : Ai.. nama enda madah? Lama udah ka? Patut d enda agai SSMC agi.
Aku : Bulan satu sari nya. Aku transfer mengejut. Nama hal deh?
Daniel : Nadai, ka betemu enggau d. Lama enda betemu, lelengau ke d. Ka mai d bejalai ba Sibu
Aku : Pia. Eh... ari satu tu ila (4 Mei) aku ke Sarikei. Datai meh. Aku diau ba pasar aja.
Daniel : Amat d? Au meh. Minggu baru aku datai enti bisi off. Ingat aa...
Aku : Auk...
Daniel : Enda nganu apai tuai d?
Aku : Enda. Datai aja... Ila tua cerita mayuh agi.
Daniel : Ok..bye.. see u..
Aku : Bye Daniel.
Indai : Sapa nya?
Aku : Daniel ke gawa ba SSMC
Indai : Lama amai seduai nadai contact sampai ia enda nemu d udah pindah.
Aku : Kala kami contact tang aku enda madah aku pindah. Sms tauka email aja.
Dalam ati aku berunding nama kebuah Daniel tiba-tiba nemu telefon agai aku. Selalu ia semina sms tauka email aja nanya ke rita tau ka meri selamat tahun baru, selamat Krismas... etc.... Nama mimpi ia nyau lelengau ke aku...
4 Mei 2009 kira-kira jam 12 tengah ari
SMS ari Nurmah
"Grace, mun ko belum tauk agik, kawan kita Daniel Law dah ninggal marek accident di Bintulu"
Aku reply
"Benarkah?"
Bedau sempat Nurmah reply aku terus call agai ia... Tudah tuai pen enda tentu nemu rita. Ia semina madah bala sida Qamar madah agai ia. Orang ti paling nemu pasal nya Fabian. Aku enda puas ati lalu minta lumur hp Fabian ari Pudun.
Aku : Fabian, Grace tu. Amat ka cerita ke didinga aku tu?
Fabian : Amat, aku ba spital meh tu. Aku empu meda. Diatu benung nganti apai indai ia datai.
Enda berasai ai mata aku labuh. Patut meh tudah tuai telefon ngagai aku dua ari sebedau ia bebadi... Patut meh aku ngasai lain maia ia telefon madah ke diri lelengau serta ka betemu enggau aku. Baka ke nemu diri enda betemu enggau aku agi.
Kami duai Daniel sigi ngelala pangan diri ari kami duai belajar ba matrikulasi suba. Udah nya ia nyambung ba bidang nursing. Terubah aku betemu enggau ia baru ba Hospital Sibu. Maia nya aki aku sakit, ia gawa nyadi nurse lelaki ba spital nya. Taun 2007 aku sakit lalu berubat ba SSMC. Ia ti bendar amat ngibun aku maia aku sakit laban tudah tuai on duty maia aku admitted dia sari. Berengkah ari nya aku selalu contact ia enti aku bisi appointment ba SSMC tau ka nganjung kami sebilik kia. Bala sida indai aku pen nyau ngelala ia laban tudah tuai sigi nemu berandau enggau orang. Soft spoken munyi ko orang.
Maia aku maca sms dikirum Fabian, aku nyabak baru ngenang pemanah Daniel ngagai kami ngelama tu.
"Udah ditama agai sentubung Daniel. Sinu amai ati aku meda. Ukai ia kala nganu orang"
Pemanah nuan tetap di ingat ke kami belama.... Aku lelengau ke nuan mega.
8 comments:
Greatest Condolences to you dear Grace!
Sinu amat ke tudah, biak amat udah 'mupuk' baka. May he rest in peace!
Bisi bala sama uni nusoi agai aku. I didn't know him personally but it is sad for him to leave at such a young age.
He's in a better place now. May he rest in peace.
My deepest sympathy. :(
Utai baka tu sigi ngasoh ati kesal belama. God bless his soul. I'm sure he knew you are a good friend anyway. :)
SAlam ngagai nuan Grace.. Enda ku nyaka peda ke blog nuan bisi mua niang Petunggal Aku daniel Law..
Agik terang amai ba ingatan aku.. maia ia diau enggau kami di sibu maia baru ambis unimas , gawa cegu sandaran ba SMK rosli dhoby.. maia lelemai kami mai badminton, enda nyaka gawai tau tuk kami nadai reti agik. kasih meda tudah apai indai bala madik ia kalimah , nacy , ia ga siko laki..
Aku tuk Tunggal ia amat2.Jacky Juing Jonathan ti diau ba Seremban .. Anak Apai Seri , Madi Seri . bisi aku pulai maia nya emergency Flight ...
Labuh ai mata meda... Orang ke badas nya ke diambik petara, enti urang ke jaik biar berapa kali sident enda ga parai..
Ari Aku ,
Jacky Juing Jonathan
Aka Bungai Pengrindu..
http://bungaipengrindu.blogspot.com/
Lyana...thanks... aku sinu laban ia cukup manah enggau orang..
Chris... ia sama batch enggau aku ba Unimas. Masa matrik satu kelak Sains hayat 1.
Flo... enda nyangka ia call aku dua hari sebedau ia nadai.
Jacky, nuan pen nemu bakani ulah Daniel. Nadai nemu nganu orang. Sigi sesuai amat ia ngambi nursing.
malam kemarik berserara semengat ia enggau kami... ngarap ke ia likun ba menua ti siti din.
Sinu amat ku ninga, nyu labuh ai mata. Kasih amat kawan dik nya Grace, awak Tuhan nyaga semengat ia lalu mai ngagai endur ti badas.
tiap kali aku masuk blog nn, ku meda gambar ia. tusah ati .. asai ke dlm mimpi ia nadai.
www.pengeRindu.com
Post a Comment