Rami kami duai LTL digaga laun mimit laban ke jauh ari pangan diri. Kami duai sama setuju rami maia kemisi sekula ujung taun laban maia nya nadai agi sukan serta kemisi sekula ti panjai, senang bala ka datai... Taja ukai Pengantin Baru agi (hahahaha) tang kami duai enggai ga ngudah ke pengawa bakanya aja. Tambah agi LTL siku aja anak laki, bala madi bedau belaki magang. Aku pia mega, keterubah ia ba kami sebilik...Ba sepiak sida ia, kami duai ngena adat Cina Foochow laban ini ke ngada ke indai aku sigi Foochow serta entua indu aku pen bisi darah Foochow mega. Ba sepiak aku, kami mina ngerami aja laban semua adat udah dipejalai ba rumah panjai sebedau kami duai register nikah ujung taun 2009 nyin suba...
Rami Cina sigi enda sebaka enggau rami kitai Iban. Enti kitai, nadai tentu irau ke bala ti enggau bebela ba dapur, sigi sekayu rumah, semua kaban datai nulung bebela. Ba sida sepiak apai tuai aku, sida semina bebela ke orang pagi nya aja.... Bisi lauk sigi dibeli terus ari kedai. Udah nya bala ke datai, makai mee sua, mee panjai umur. Malam nya kami makai ba restaurant... Senang, enda tentu penat iga... Penat bejalai agai 40 mija aja... Aku ngena flat sandal aja... hahahaha...
Rami ba Sg Paoh, sebulan sebedau rami nyadi, bala ibu udah gotong royong begaga ke ruti cuan enggau sarang semut. Bala aya begiga ke kayu kena nunu... Dua ari sebedau rami bala udah berengkah besedia ke barang. LTL nyau udah teleba meda, nadai mayuh utai ditanya agi. Maia kami duai betunang suba, mayuh amat utai ditanya ia ngagai aku... meda orang mayuh datai ke rumah, nulung berapi.
Rindu ati meda bala kaban datai nulung. Maia tu meh semua bala kaban ulih betemu enggau pangan diri. Ke semak, ke jauh, mayuh macam cerita sida ia.
Arap ke pengawa kitai Iban ke agi besaup bebela bakatu ulih diterus ke kitai... Diatu mayuh amat bala rebak baru enda rindu berami ba rumah panjai laban enggai mayuh pengawa serta enda tentu glamer munyi ko urang. Aku kala ditanya kaban aku siku, nama kebuah aku enda ngaga ba hotel laban mayuh kaban aku ke 'gila glamer' enda ulih datai ke rumah panjai. Aku madah, sigi ari suba aku ka ngaga ba rumah panjai, nadai double standard. Bisi sekeda ngaga ba dua endur hotel enggau rumah panjai. Bala ke gawa makai gaji dikangau ke hotel, bala sida ke nadai tentu meruan bisi pengawa dikangau ke rumah panjai... Enda semua au... Nadai salah enti ngaga ba dua endur nti bisi $$$$ lebih. Aku nadai mayuh.... cukup ba siti endur aja. Hehehehe....
3 comments:
Auk rindu diri ga berami ba rumah panjai. Urang ka bisi tauka cukup belanja rami di util. Nadai maioh protocol belanja enda nyengala besai kaban belayan semua ulih dikangau magang ulih berami sampai pagi hehehe tang nya meh enda GLAMER - aku laban ke nadai bajet Apai Indai nadai ga kereja ka pan engai Kawin rumah panjai meh hehehehe. Bala begotong ruyong bebela.
Nya meh... Enti ba util nadai mayuh orang ulih dikangau... Ukai sebilik-bilik semadi meh bala diri empu. Mr & Mrs aja selalu... Dah mar, limited time agi. Enti ba rumah panjai, sapa tan, sampai pagi pen ulih...
Selamat Pengantin Lama.
Minta ampun enda ulih datai.
Rugi amat aku enda enggau rami.
(sema dikangau rami di hotel, enda nemu aku enggau rami-kekok ko Laut)
empidan.
Post a Comment