Ba Miri enti ka meli rian, kira ke meli umbang ia meh kitai laban ke main kilo. Berat agi umbang, mar agi rega rian. Isi ka seleka tang berat nyau ka sekilo 😂😂😂
Ujung taun nyin kemari kami sebilik ari Miri pulai ke Serikai nganjung diri makai rian. Kami duai menyanak pulai tumu agi laban ka enggau orang bejual rian dulu. Udah nya baru Apai Amber enggau Inik Amber nitih dudi.
Maia malam aku ngira berapa igi rian labuh tisi rumah ngambi ka nyamai aku mulung pagi ari. 
Makai rian baru labuh enda sama asai makai rian tisi jalai ke diperam orang.
Anak dara belajar mulung rian
Enda cukup tubang
Rian tu ditanam niang aki aku suba. Tiap kali ia nanam rian ia sigi madah munyi tu.
"Kada ke ampit aki makai buah tu ila uchu. Sigi nanam ke kita meh aku tu. Enti kita udah belaki bebini gawa ba menua bukai anang enda pulai kita makai buah tu"
Udah pulai kami aki.
No comments:
Post a Comment